ବିନାୟକ ଚତୁର୍ଥୀ ପାଇଁ ସିଦ୍ଧବିନାୟକ ମନ୍ଦିରରେ ଜୋରସୋର ପ୍ରସ୍ତୁତି

 

ଗଞ୍ଜାମ, ୧୩/୦୯: ଆସନ୍ତାକାଲି ବିନାୟକ ଚତୁର୍ଥୀ। ଏହାକୁ ନେଇ ଗଞ୍ଜାମ ଜିଲ୍ଲାର ପଞ୍ଚମା ଗ୍ରାମରେ ଅବସ୍ଥିତ ଅନ୍ୟତମ ପ୍ରସିଦ୍ଧ ଧାର୍ମିକ କ୍ଷେତ୍ର ସିଦ୍ଧବିନାୟକ ମନ୍ଦିରରେ ଏବେଠାରୁ ଜୋରସୋରରେ ପ୍ରସ୍ତୁତି ଆରମ୍ଭ ହୋଇଛି।

ବିନାୟକ ଚତୁର୍ଥୀ ଅବସରରେ ମନ୍ଦିରରେ ସ୍ୱତନ୍ତ୍ର ପୂଜାର୍ଚ୍ଚନା, ଭକ୍ତଙ୍କ ଦର୍ଶନ ଓ ବିଭିନ୍ନ ଧାର୍ମିକ କାର୍ଯ୍ୟକ୍ରମ ଆୟୋଜନ ନେଇ ପ୍ରସ୍ତୁତି ଚାଲିଛି। ମନ୍ଦିର ପରିସରକୁ ସଜାଇବା ସହ ଭକ୍ତଙ୍କ ସୁବିଧା ପାଇଁ ମଧ୍ୟ ବ୍ୟବସ୍ଥା କରାଯାଉଛି।

ଆସନ୍ତାକାଲି ବିନାୟକ ଚତୁର୍ଥୀ ପାଳନ ଅବସରରେ ଗଞ୍ଜାମ ଜିଲ୍ଲା ସମେତ ବିଭିନ୍ନ ପ୍ରାନ୍ତରୁ ହଜାର ହଜାର ଭକ୍ତ ପଞ୍ଚମା ସିଦ୍ଧବିନାୟକ ମନ୍ଦିରକୁ ଆସି ପ୍ରଭୁ ଶ୍ରୀଗଣେଶଙ୍କ ଦର୍ଶନ କରିବେ ବୋଲି ଆଶା କରାଯାଉଛି।

ଭକ୍ତଙ୍କ ଭିଡ଼କୁ ଦୃଷ୍ଟିରେ ରଖି ମନ୍ଦିର ପରିଚାଳନା ପକ୍ଷରୁ ଆବଶ୍ୟକ ବ୍ୟବସ୍ଥା ଓ ପ୍ରସ୍ତୁତି ଜାରି ରହିଛି। ପ୍ରଭୁ ସିଦ୍ଧବିନାୟକଙ୍କ ଆଶୀର୍ବାଦ ପାଇବା ପାଇଁ ଭକ୍ତମାନଙ୍କ ମଧ୍ୟରେ ଏବେଠାରୁ ଉତ୍ସାହ ଓ ଭକ୍ତିମୟ ପରିବେଶ ସୃଷ୍ଟି ହୋଇଛି।